Lingua   

Povero Pisacane!

Pina Cipriani
Lingua: Italiano (Cilentano)




Currìti tutti quanti a la Certosa,
nge só treciento muorti pe la via!
Lo sango scorre a sciumo, sciorta mia!
E li surdati tornano a sparà.
Só li surdati re lo rre Burbone
armati co fucili e co cannuni.
Só assuti li bbreanti e li baruni
pecché chesta rivolta adda furnì.

Povero Pisacane!
Venuto ra luntano
ne vulìa rà na mano;
ne vulìa libberà.
Nsiem'a ttanta cumpagni
âno allucato forte:
"A li patruni morte!
Viva la libbertà!".
E mó só muorti accisi
scannati tutti quanti
e nui ra oi a nnanti
avimo ra penà.

Lo prevete re Sanza stammattina
s'è mmiso a sunà tutte le campane
e prerecanno co no Cristo mmano
ha ditto: "Sù, fedeli, combattiamo!".
Só cursi tutti attuorno pe li voschi,
so' cursi co le zappe e co l'accette,
se só purtate pure le scuppette
e tutte le cartucce pe sparà.

Povero Pisacane!
Venuto ra luntano
ne vulìa rà na mano;
ne vulìa libberà.
Nsiem'a ttanta cumpagni
âno allucato forte:
"A li patruni morte!
Viva la libbertà!".
E mó só muorti accisi
scannati tutti quanti
e nui ra oi a nnanti
avimo ra penà.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org