Language   

Corsica mea

Voce Ventu
Language: Corsican



O Corsica mea ti do lu mio core
Colmu di bandere pront'à svintulà
Ti do lu mio fiatu sculpitu d'amore
O Corsica mea u ventu a sà

In l'ansciu serenu di la to natura
Sentu a santa chjama di a libertà
Rinvivisce l'alma la to aria pura
O Corsica mea u ventu a sà

O Corsica mea ti do la mio manu
Colma di spirenze pronte a suminà
Centu mila spiche da caccià ne u granu
O Corsica mea a terra la sà

M'incantanu l'esse le to bianche cime
Guerrieri di petra in lo mio sunnià
So turnate musa da fà le mio rime
O Corsica mea a terra la sà

O Corsica mea ti do la mio voce
Colma di ribombi pronti à annacquà
Di mille onde chjare piaghje é sarre é foce
O Corsica mea u mare la sà

Diventanu strada li to fiumicelli
Tessenu lu filu di u mio lutta
Battenu cun rabbia marosi ribelli
O Corsica mea u mare la sà

O Corsica mea ti do la mio mente
Colma di viaghji pronti à infiarà
Ogni passu fattu di fervora ardente
O Corsica mea u sole la sà

Schjariscenu l'alme li to raghji d'oru
Schjariscenu u sguardu, l'idea, u pinsà
Da purtà di fiera à l'altare moru
O Corsica mea u sole la sà

O Corsica mea u ventu a sà
O Corsica mea a terra la sà
O Corsica mea u mare la sà
O Corsica mea u sole la sà


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org