איך האָב אַ קלײנעם ייִנגעלע
אַ זונעלע גאָר פֿײַן
ווען איך דערזע אים דאַכט זיך מיר
די גאַנצע וועלט איז מײַן
נאָר זעלטן זעלטן זע איך אים
מײַן שײנעם ווען ער וואַכט
איך טרעף אים אימער שלאָפֿנדיק
איך זע אים נאָר בײַ נאַכט
די אַרבעט טרײַבט מיך פֿרי אַרױס
און לאָזט מיך שפּעט צוריק
אָ פֿרעמד איז מיר מײַן אײגן לײַב
אָ פֿרעמד מײַן קינדס אַ בליק
איך קום צעקלעמטערהײט אַהײם
אין פֿינצטערניש געהילט
מײַן בלײכע פֿרױ דערצײלט מיר באַלד
ווי פֿײַן דאָס קינד זיך שפּילט
ווי זיס עס רעדט ווי קלוג עס פֿרעגט
אָ מאַמע גוטע מאַ
ווען קומט און ברענגט אַ פּעני מיר
מײַן גוטער גוטער פּאַ
איך הער עס צו און אײל עס מוז
יאָ יאָ עס מוז געשען
די פֿאָטער־ליבע פֿלאַקערט אױף
עס מוז מײַן קינד מיך זען
איך שטײ בײַ זײַן געלעגערל
און זע און הער און שאַ
אַ טרױם באַוועגט די ליפּעלעך
אָ וווּ איז וווּ איז פּאַ
איך קוש די בלױע אײגעלעך
זײ עפֿנען זיך אָ קינד
זײ זעען מיך זײ זעען מיך
און שליסן זיך געשווינד
דאָ שטײט דײַן פּאַפּאַ טײַערער
אַ פּענעלע דיר נאַ
אַ טרױם באַוועגט די ליפּעלעך
אָ וווּ איז וווּ איז פּאַ
איך בלײַב צעווײטיקט און צעקלעמט
פֿאַרביטערט און איך קלער
ווען דו דערוואַכסט אַ מאָל מײַן קינד
געפֿינסטו מיך ניט מער
אַ זונעלע גאָר פֿײַן
ווען איך דערזע אים דאַכט זיך מיר
די גאַנצע וועלט איז מײַן
נאָר זעלטן זעלטן זע איך אים
מײַן שײנעם ווען ער וואַכט
איך טרעף אים אימער שלאָפֿנדיק
איך זע אים נאָר בײַ נאַכט
די אַרבעט טרײַבט מיך פֿרי אַרױס
און לאָזט מיך שפּעט צוריק
אָ פֿרעמד איז מיר מײַן אײגן לײַב
אָ פֿרעמד מײַן קינדס אַ בליק
איך קום צעקלעמטערהײט אַהײם
אין פֿינצטערניש געהילט
מײַן בלײכע פֿרױ דערצײלט מיר באַלד
ווי פֿײַן דאָס קינד זיך שפּילט
ווי זיס עס רעדט ווי קלוג עס פֿרעגט
אָ מאַמע גוטע מאַ
ווען קומט און ברענגט אַ פּעני מיר
מײַן גוטער גוטער פּאַ
איך הער עס צו און אײל עס מוז
יאָ יאָ עס מוז געשען
די פֿאָטער־ליבע פֿלאַקערט אױף
עס מוז מײַן קינד מיך זען
איך שטײ בײַ זײַן געלעגערל
און זע און הער און שאַ
אַ טרױם באַוועגט די ליפּעלעך
אָ וווּ איז וווּ איז פּאַ
איך קוש די בלױע אײגעלעך
זײ עפֿנען זיך אָ קינד
זײ זעען מיך זײ זעען מיך
און שליסן זיך געשווינד
דאָ שטײט דײַן פּאַפּאַ טײַערער
אַ פּענעלע דיר נאַ
אַ טרױם באַוועגט די ליפּעלעך
אָ וווּ איז וווּ איז פּאַ
איך בלײַב צעווײטיקט און צעקלעמט
פֿאַרביטערט און איך קלער
ווען דו דערוואַכסט אַ מאָל מײַן קינד
געפֿינסטו מיך ניט מער
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
