Language   

Fiche cu le mendule

Mino De Santis
Language: Italian (Pugliese Salentino)



Suntu l'anni 40 e nc'è picca te fare
nu nc'è nensi se mangia, tutti s'ane rranciare
intra l'unica stanza nc'ete mpise to pundule
e le capase carcate te fiche culle mendule
ci se mangia stasera, ci me porta dra menzu
sta se more te fame ma nu mboiu ci pensu
e me inchiu le posce topu tanta fatica
ogni tantu me fermu e me mangiu na fica
senti rretu la porta sarà ca nc'è la guerra
senti bbucca ddha porta, ci la spingi se nserra
ca la fame ca ccite a quatintra nu trase
nc'ete ncora le fiche, ndave to capase
ma li tenti sta partene e la guerra ghe longa
mo le fiche se spiacciane, s'ha tirare la cinghia
e ci tiri ci tiri ci nu nc'è cchiu carotti
fiji statibbe citti li zanguni su cotti
mamma sai ci te dicu, ca ieu vau volontario
a ddhai vai a rischiu te cittane sì, ma mangiane a orario
fiju meu statte qquai ca se campa lu stessu,
cu le fiche, le mendule e lu zangone lessu
Li surdati sta partene, chianane sullu trenu
suntu tutti vagnuni cantane vinceremo
li signuri se nfacciane te su llu balcone
al sicuro canticchiane quiddha stessa canzone
Per le strade soltanto, donne vecchi e bambini
alla radio la voce fiera di mussolini
e la patria e la gloria e la fede e l'onore
ma te fame e guerre aqquai la gente sta more
Li surdati sta tornate scindene te lu trenu
ma te quandu partira suntu muti te menu
quiddhi ca su turnati stane già alla stazione
quiddhi cchiu sfortunati ane sbagliatu vagone
e comu è sciutu sciutu st'urtimu conflittu
lu surdatu è normale ca ritorna sconfittu
mo va dindela tie ca la patria ha difendere
pe na poscia te fiche e na francata te mendule


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org