Lingua   

Strina d'u judeo

Massimo Ferrante
Lingua: Napoletano (Laghitano (Vachitano))


Massimo Ferrante


‎'Su nume m'hanu datu de Judeo
Pecchì rispettu 'un puortu a nessunu,
Mancu a lu sangu e né alla carne mea.

Nemici tiegnu assai ppe' 'su paise,
Amici nu' nde tiegnu e nu' nde vuagliu;
Ca chine tocc'a mia ce fa le spise.

Ca signu sempre all'erta ppe' cantari
Ogni parola è cchiù 'e 'na curtellata,
Ca s'e' de spregiu sangu ha dde lassàre.

Ca iu' e 'na cosa sula truovu sfiziu,
Ha de venì' 'nu forti terremuotu
O puramenti 'u jurnu d' 'u judiziu.

D''i poveri 'un truovu compassiona
D''i ricchi mi scipperra li cugliuni,
D''i santi 'un tiegnu mancu divuziona.

Nemicu di guvierni viecchi e nuovi
Su' statu sbirru di la pulizia,
Ma adduvi tu m'attacchi 'un mi ci truovi.

Vulerra vi' li prieviti vrusciare
Intra le vampe de lu paradisu
E ppe' lu pentimientu ventumare.

Vulerra vid' i judici 'n galera,
Li tribunali diventà ' cantina,
Li codici vinduti 'ntra la fera.

Vulerra c'annaspasseru i putienti
Ca 'a strata pulizzasseru ccu' la lingua
Davanti allu cchjiù strazzunu d'i pezzienti.

Si chissu 'un ci avissi a lu vidìri
Mi fazzu 'u stessu 'sa bella cantata,
Cchiù scuru 'e menzannotte 'un po' veniri.‎



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org