Nanneddu meu
su mundu es gai
a sicut erat
non torrat mai.
Semus in tempos
de tirannia
infamidade
e carestia.
Como sos populos
cascan che cane
gridende forte
cherimus pane.
Famidos nois
semus pappande
pane e castanza
terra cun lande.
Terra c'a fangu
torrat su poveru
senza alimentu
senza ricoveru.
B'est sa filossera
importat tinzas
chi nos distruin
campos e binzas.
Semus sididos
in sas funtanas
pendende s'abba
parimus ranas.
Canaglia infame
prena de braga
chere s'iscettru
cherent sa daga.
su mundu es gai
a sicut erat
non torrat mai.
Semus in tempos
de tirannia
infamidade
e carestia.
Como sos populos
cascan che cane
gridende forte
cherimus pane.
Famidos nois
semus pappande
pane e castanza
terra cun lande.
Terra c'a fangu
torrat su poveru
senza alimentu
senza ricoveru.
B'est sa filossera
importat tinzas
chi nos distruin
campos e binzas.
Semus sididos
in sas funtanas
pendende s'abba
parimus ranas.
Canaglia infame
prena de braga
chere s'iscettru
cherent sa daga.
×
![]()
