Language   

Giudèca

Alberto D'Amico
Language: Italian (Veneto Veneziano)


Alberto D'Amico


Giudèca nostra abandonada,‎
vint'anni de lote e sfrutamento ‎
e adesso xe 'rivà el momento ‎
de dirghe basta e de cambiar. ‎

‎'E scole co le pantegane, ‎
‎'e case sensa gabineto ‎
e quando ti te buti in leto ‎
te sogni sempre de lavorar. ‎

E chi che lavora se consuma ‎
da Herion a la Junghans ai Cantieri (1), ‎
e i ghebi te fa i oci neri ‎
se ti te meti a scioperar. ‎

E i fioj se ciàman l'epatite ‎
in meso el pantan de la Giudèca; ‎
Cipriani se magna la bisteca ‎
e da le case ne vpò sfratar. ‎

‎'E contesse le faseva el doposcuola ‎
co 'a cipria e coi cioccolatini ‎
e el Pro- Giudèca dei paroni ‎
ai giudecchini i g'ha imbrogià. ‎

Studenti, donne, operari, ‎
gh'avemo ocupà el doposcuola; ‎
che vegna el prefeto co la pula; ‎
no se movemo, restemo qua! ‎

Giudèca nostra abandonada, ‎
vint'anni de fame e sfrutamento, ‎
e adesso xe 'rivà el momento ‎
de dirghe basta e de cambiar.‎

(1) La Herion è una fabbrica tessile, mentre la Junghans produce munizioni, spolette e orologi. I cantieri Toffiolo, Lucchesi e Navali della Giudecca sono minacciati di chiusura.
Alla Junghans 600 operai erano stati costretti a una durissima lotta e a oltre 200 ore di sciopero per l'occupazione e il rinnovo contrattuale, mentre anche i Cantieri erano scesi in lotta contro i licenziamenti.
(nota originale dal libretto dell'LP)




Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org