Language   

Giudèca

Alberto D'Amico
Language: Italian (Veneto Veneziano)



Giudèca nostra abandonada,‎
vint'anni de fame e sfrutamento ‎
e adesso s'è rivà el momento ‎
de dirghe basta e de cambià. ‎

‎'E scole co le pantegane, ‎
‎'e case sensa gabineto ‎
e quando ti te buti in leto ‎
te sogni sempre de lavorà. ‎

E i fioj se ciàman l'epatite ‎
in mes' ai pantan de la Giudèca; ‎
Cipriani se magna la bisteca ‎
e da le case ne vò sfratà. ‎

E chi lavora se consuma ‎
da Eriunx a Iunga sui cantieri, ‎
e i ghebi te fa i oci neri ‎
se ti te meti a scioperà. ‎

‎'E contesse faseva el doposcuola ‎
co 'a cipria e coi cioccolatini ‎
e el Pro- Giudèca dei paroni ‎
ai giudecchini i g'ha embrogià. ‎

Studenti, donne, operari, ‎
avemo ocupà el doposcuola; ‎
che vegna el prefeto co i ghebi; ‎
no se movemo, restemo qua! ‎

Giudèca nostra abandonada, ‎
vint'anni de fame e sfrutamento, ‎
e adesso s'è rivà el momento ‎
de dirghe basta e de cambià.‎


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org