Lingua   

La tera

Canzoniere Popolare Veneto
Lingua: Italiano (Veneto Veneziano)




Tera dove prima gera campi e solo tera
tera i ga piantà 'na semenza de passia
l'erba mata xe cresua
alberi quadrati rami duri de cemento
un'ombra me coverse e me sento sepelìo
soto foge de cristalo
tera... sepelìo soto foge de cristalo

Tera tera tera
se nasse e po' se gira
e rodolando vegnarà
‎'na sorte meglio de cussì
co la tera gira come digo mi

Tera in piassa Barche vado tor la filovia
tuti che se spenza che fraca che se tira
chi no spenze resta in tera
tera se fa note cala zo le saracinesche
solo vardo el celo e me par che 'l sia de fero
torno casa soto muro
tera... vardo el celo e me par che 'l sia de fero

Tera tera tera
se nasse e po' se gira
e rodolando vegnarà
‎'na sorte meglio de cussì
co la tera gira come digo mi

tera le ingiustizie quante xele su la tera
tante quante stele ga l'universo
che a contarle me so' perso
tera l'erba mata mi me cresse sul sarvelo
tera ma se parlo co' un compagno o co' un amigo
co' 'sta erba fasso fogo
tera... ma se parlo co' 'sta erba fasso fogo

Tera tera tera
tera tera tera



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org