Language   

Tot farai una demanda

Pèire Cardenal



Tot farai una demanda
A cui qui respondre vuèilla:
Si avers ni terra granda
A negun home aónda
Qu'ieu vei los plus rics e-ls plus granz
Que tolon cent milía aitanz
Quez aquill qe non an rénda. ‎

Non vueil esser reis d'Irlanda
Per tal qu'ieu emble ni tueilla
Castel ni tor ni baranda,
Ni que l'autra gen confonda.
Qui pert Dieu per autrui avanz
Ni s'arma per autrui bezanz,
Razos es que mal l'en prenda. ‎

Razos vol e dretz comanda
Que qui semena que cueilla:
Cal que semensa qu'espanda,
Aital frug coven que tonda.
E qui fai los enueis ni-ls danz,
Sertz sía que al autre lanz
Penra dan, can que atenda. ‎

Tal n'i a qui non garanda
Mas son voler, cui que dueilla.
Mentre que porta garlanda
Ez es gais ab testa blonda,
Gieta por lo joi de mil anz
Por estar un pauc en bobanz:
Per qu'es razos que deissenda. ‎

Non cre que-l genz alamanda
Seinhor tolledor acueilla,
Ni que mal parta vïanda
Ni que per manjar s'esconda,
Ni que sía dezeretanz
Ni que dezeret los enfanz,
Ni que conduch lai revenda.‎

Tals cuida far gentils enfanz
Que-ls fai renoviers e truanz,
Tolledors, plens de rozenda. ‎


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org