Lingua   

U spagnu di Borboni

Mattanza
Lingua: Siciliano




E veni Garibaldi e la so’ cumpagnia,
ch’è chiddhu chi l’Italia difindiu ;
cu li so’ piani e la so’ valintìa
‘u ‘nfernu a paradisu ridduciu.
si vitti dopu chi ‘st’omu di ‘ngegnu
cu quattru corpa trasiu ‘nta lu regnu.

Fu Garibaldi lu nostru sustegnu
cuntra la tirannia di li Borbona,
omu di sapienza e omu degnu,
ca pi lu mundu la so’ vuci sona.
lu populu a Fanciscu ll’havi a sdegnu
pirchì la so’ cundutta ‘un’era bona.

Comu vinni Garibaldi, lu valenti,
li truppi ri Borboni si spagnaru :
cu’ pigghia a lu livanti e cui a punenti,
cu’ si potti sarvari si sarvau,
pirchì ognunu dicìa: peddhi pi peddhi,
megghiu la sua ca di li povareddhi.

Vidìuvu ad ogni cruci di vaneddhi,
li povari chi ghivinu gridandu :
“ ‘sti cafuni si fannu ricchi e beddhi,
e nui lu pani jamu addisinandu !“
“riali maistà, vutau la sorti,
ciangimu ‘mpocu l’unu la sbintura !”

Ora trasiu lu gran pisci spatu,
chiddhu chi stirminau tutta a tunnara,
lu grossu ‘u picciriddhu s’ha mangiatu,
la petra si struzzau cu la quartara.
maistà, quand’è tempu di mal’ura,
cu’ l’havi si la ciangi la vintura.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org