Language   

Salina

Mario Incudine
Language: Sicilian



Partu sempri di ccà, a lu scurari
quannu l’acqua cangia ‘u so coluri.
Pigghiu stù cori e lu jettu a mari
e fa cerchi di tutti li misuri.‎

Ogni cerchiu è comu ‘na canzuni
comu li nuciddi a notti di Natali
la me vuci nun si vota arreri
l’occhi su oggi…lu pinzeri è già dumani

S’ un pozzu iri avanti
un mi mannati arreri
lassati muriri ammenz’o mari

Ti vulissi purtari intra li mè occhi
intra stù iocufocu di ummiri e di specchi
ammenzu a sti trazzeri di omini affunnati
ca ormai su sali e lampi e addumunu i nuttati.‎

Ma iu caminu ancora ‘ncapu stà strata nova
e sentu sutta ‘o pedi ogni petra ca respira
c’u sapi su daveru derrì ‘u suli c’è ‘a fortuna
o è sulu ‘na minzogna ca svapura di matina.‎

S’ un pozzu iri avanti
un mi mannati arreri
lassati muriri ammenz’o mari

E’ già luci a Capu Spartiventu
un sacciu si è lu suduri o si è lu chiantu
ha passatu tantu tempu intra l’occhi
‎‘nta li manu haiu sulu arbuli sicchi.‎

M’abbrusciunu intra l’ossa ancora li feriti
nautri trentunu jorna e trenta nuttati,
ppi grapiri li porti e vidiri unni siti
ancora trenta notti e trentunu jurnati.‎

U respiru si fà chiantu, lu sangu fuddia
'u scuru diventa scantu e l'amuri malatìa.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org