Lingua   

Cantu di carcirati

Taberna Mylaensis
Lingua: Siciliano


Taberna Mylaensis


Ccà sutta nta 'stu nfernu puvirèđ
nui semu cunnannàti a tirannia
ân' manu di li lupi su' l'agnèđ
chiancìtinni ciancìti, mamma mia..

A mìa quannu mi pigghjàru
la me vucca si chiudìu,
nun dissi autru: « Ajutu Diu,
dî 'sti guai nun nesciu cchiù!.. »

Mi pigghjàru, m'attaccàru,
mi jttàru 'nto cammarùni,
c'era un jódici, un jurici au tavulùni
chi striđđava contru a mìa !

'Nta li striđđi e li minacci
'sti palori, mi dicìa:
« Jo ti mannu a la galera
si nun dici la virita'»

« Ma, signuri, nun sacciu nenti
di 'sta cosa su' nnuccenti
mi pigghjàru attortamenti
ma nun sacciu lu picchì »

« Birbantùni, mariulùni,
ti canùsciu nta la cira
jo ti mannu, ti mannu a la galera
si nun dici la virita'»

« Ma, Signuri, 'un sacciu nenti
di 'sta cosa su' nnuccenti
mi pigghjàru attortamenti
e nun sacciu lu picchì »

Affirràtulu, attaccàtilu
jttàtilu 'nta 'na fossa
ridducìtilu peđđi e ossa
senza sapiri lu picchì
Carzareri, chiavitteri
carzareri, toppi e chiavi
a la fini a cu ammazzasti?
'na picciotta e nuđđu cchiù..

Ccà sutta nta 'stu 'nfernu puvirèđđ
nui semu cunnannati a tirannia
ân' manu di li lupi su' l'agnèđđ
ciancìtinni chiancìti, mamma mia...



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org