Während die einte mit de Ohre händ gwagglet
und gfüesslet unter em Tisch,
und während die einte vor luter ässe
nümme gwüsst händ, was ässa isch,
und während si iri Luxusproblem
zum Problem vo allne händ gmacht
und der ganze Welt das System
vo Ohmacht verpasst händ und Macht,
sind die andre versoffe,
wie d’Ratte versoffe,
versoffe, wie d’Ratte im Meer.
Während die einte em Jommere sind gsii
über Klima, Aktie und Geld,
und während si wortriich erkläre händ müesse,
warum’s isch, wie’s isch uf der Welt,
und während die einte d’Auge händ gschlosse,
wils der Muet und ds Schreie nümm git,
während die einte mit de Wölf händ ghüült
ds Frasslied us früenerer Ziit,
sind die andere gsegglet,
wie d’Hase sinds gsegglet,
gsegglet, wie d’Hase dur d’Stadt.
Und während die einte es Saatguet verkauft händ,
wo tot gsii isch no vor em Fescht,
und während si mit dem grosse Geld
ds letschte Geld us der Armuet händ presst,
und während die einte Muure händ baut
gege der Asturm vor Not,
und während si Konferenze händ ghalte
e mitleidigs Hämpfeli Brot,
händ die andere gschwore,
Rach, händs gschwore,
gschwore händs, Rach und Tod.
und gfüesslet unter em Tisch,
und während die einte vor luter ässe
nümme gwüsst händ, was ässa isch,
und während si iri Luxusproblem
zum Problem vo allne händ gmacht
und der ganze Welt das System
vo Ohmacht verpasst händ und Macht,
sind die andre versoffe,
wie d’Ratte versoffe,
versoffe, wie d’Ratte im Meer.
Während die einte em Jommere sind gsii
über Klima, Aktie und Geld,
und während si wortriich erkläre händ müesse,
warum’s isch, wie’s isch uf der Welt,
und während die einte d’Auge händ gschlosse,
wils der Muet und ds Schreie nümm git,
während die einte mit de Wölf händ ghüült
ds Frasslied us früenerer Ziit,
sind die andere gsegglet,
wie d’Hase sinds gsegglet,
gsegglet, wie d’Hase dur d’Stadt.
Und während die einte es Saatguet verkauft händ,
wo tot gsii isch no vor em Fescht,
und während si mit dem grosse Geld
ds letschte Geld us der Armuet händ presst,
und während die einte Muure händ baut
gege der Asturm vor Not,
und während si Konferenze händ ghalte
e mitleidigs Hämpfeli Brot,
händ die andere gschwore,
Rach, händs gschwore,
gschwore händs, Rach und Tod.
×
![]()
