Langue   

La Benedicta

Piero Milanese
Langue: italien (Piemontese mandrogno (Alessandria))




Duminica ch'andava a fè 'na gita
an muntagna, scarpón e sac 'd l' "Invicta"
pasà u Tobio, tacònda la salita
prima 'd Cabani a léz: la Benedicta.

Macerii d' in cunvént brüzà, memorii
d' aveniment luntòn du temp dla guèra,
robi ch' a cunoss bén, i libi, el storii
ma a voj fermèm, uardè, dì 'na preghiera.

Lapidi 'd nom, l'età, j' eru fanciot
chi scapavu, massà per renitensa,
rèst ad müraji ruti, teremot
'd rapresaglia, s-ciuptà, lision 'd viulensa.

Nuvòntaséz fanciot scricc ans la prea
rafichi d' odiu, scür sensa cunfort
urur, disperasion del vent ch'u crea
la vuz müta du Tobio a piònzi i mort.

Um véna frigg .. la rabia ch'a j' ò ndrént
cme riturnè a cui temp, cme arfè la guèra
suta ist muntagni ui ciüfla ancura el vént
anche quòndi ch' l' è calma la bufera.

A digh la mé preghiera stònda schiss
'lzenda la fila 'd nom, longa, in ruzari
um bsogna avei rispètt di post cme iss
post ad dulur, tragedia, sòng, Calvari.

Po' a vagh, a voj svarièm, l' è giurnà 'd festa
per caminè, stè alegher con j' amiz
uardè ans u Tobio el capè 'd nìuli an testa
ch' il fòn smijè luntòn cme in paradis.

Giuvu, mati e fanciot chi vòn atur
ai vigh pasè per mòn, brassèsi, réji
la giuventü l' è facia per l' amur
nénta per lasè i nom ansüma al préji.

La giuventü l' è j' ilüsión, la blësa
di gió, di sogn, del cursi an muturëta
l' è in suriz, l' è in bazén, l' è 'na carëssa
nénta j’ óngi 'd na guèra maledëta.

La giuventü l' è facia per la vita
per el forsi, el sperònsi di vent' ani
nént per fè vulè l' òn-ma ans 'na salita
pasà u Tobio, ch' la porta sü al Cabani.

Ombri chi marciu a fiònc, niùli 'd paisagi
cuntradisión du temp, 'd la mént, del storii
senté, cadensi 'd pass, pelegrinagi
puvi 'd silensiu, puvi 'd òn-mi, glorii.

Duminica ch' la va co' 's robi serii
cme 'na spén-na, in magón, 'na penitensa
la Benedicta, là, col só macerii
preji e nom ch' im sgranfignu 'nt la cusiensa.



Page principale CCG

indiquer les éventuelles erreurs dans les textes ou dans les commentaires antiwarsongs@gmail.com




hosted by inventati.org