Language   

Roge-negre

Moussu T e lei Jovents



De matin, ai vist mon àngel
Amb un grand papier dins la man
Ont aviá escrich la lista
Dei misèrias dei ciutadans.

De matin, ai vist mon àngel
Amb un libre sota lo braç
Ont aviá notat lei crimes
De la chorma dei richàs.

De matin, ai vist mon àngel
Ambé l’èr gaiard e valent
Que partiá dire ai menistres
Lo voler dei paurei gens.

De matin, ai vist mon àngel,
Au pòrt, ti fasiá lo discors.
Leis obriers, lei pescaires,
Totei li disián bònjorn.

De matin, ai vist mon àngel,
Disiá que l’umanitat
A pas besonh de frontieras
Ni de carta d’identitat.

De matin, ai vist mon àngel
Que cantava una cançon,
Una cançon popularia,
mespresada per lei pebrons.

Vira d’aicí, vira d’ailà,
Senti mon còr roge-negre.
Vira d’aicí, vira d’ailà,
Senti mon còr liberat.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org