Lingua   

Disonestade

Istentales
Lingua: Sardo



Dae cando sa razza americana
est bennia in Sardigna a ammaniare
bases de armas, missiles a mare
naves e bombas in donzi dogana
sa dzente sarda no est prus sovrana
ka terra meda est zona militare.
Sun toscande kin petrolieras
ispiaggias abbas e kosteras.

Politicantes sardos iskidade
sezis dormios dae medas annos
kircae de acconzarezes sos dannos
ki azes fattu in sa “zovana edade”.

Sardigna cara pro pacu valore
sos politicos nostros t’an bendidu
ki siat depudadu o senadore
kenza fakere colore de partidu
ma si dimandas a karki “Signore”
nemos at fattu e nemos at bidu
ke a donzi disonestu essere umanu
ki ghettat sa preda e cubat sa manu.

Politicantes sardos ischidade
sezis dormios dae medas annos
kirkae de acconzarezes sos dannos
ki azes fattu in sa “zovana edade”


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org