Language   

L'aria

Canzoniere Popolare Veneto
Language: Italian (Veneto Veneziano)



L'aria del celo
che Dio ne manda
xe fresca solo
par chi comanda

qua a Marghera
sta' pur sicuro
che se respira
zolfo e cianuro

de note in porto
va su le fiame
el celo brusa
come catrame

ARIA ARIA ARIA
ARIA ARIA ARIA

La tosse in peto
me bate forte
come el tamburo
ma de la morte

ARIA ARIA ARIA
ARIA ARIA ARIA

Al Vilagio San Marco
da un'inchiesta sicura
se calcola che i putei xe come se i fumasse
vinti sigarete al giorno
par l'aria che i respira

Voria la Montecatini
comprarse i nostri polmoni
ma gnanca par tuto l'oro del mondo
la me salute mi no' la vendo

ARIA ARIA ARIA
ARIA ARIA ARIA

No' volemo che i ne paga
ogni colpo de tosse
ma volemo che sparissa
tuti quanti i veleni
l'obietivo più importante
xe la salute de l'ambiente

ARIA ARIA ARIA
ARIA ARIA ARIA

Aria ne l'aria
che 'l vento ne dona
ghe xe 'na nuvola
de diossina

la xe venia
zo de l'ICMESA
e tuta le tera
par che la brusa

i orti le case
i campi i fruti
xe recintai
da reticolati

ARIA ARIA ARIA
ARIA ARIA ARIA

La zente malada
avelenada
da Seveso in bloco
i la ga deportada

ARIA ARIA ARIA
ARIA ARIA ARIA

El pericolo che gera
ma taseva i paroni
no' se gà salvà 'na bestia
gnanca un can o 'na galina
e lori in Svisera co' i schei
i respira aria bona

Schei co' i schei i te ricata
co' i schei i te compra la vita
ma mi no' la vendo la pele xe mia
paroni la vita no' xe mercanzia

ARIA ARIA ARIA
ARIA ARIA ARIA

No' volemo che i ne paga
ogni colpo de tosse
ma volemo che sparissa
tuti quanti i veleni
l'obietivo più importante
xe la salute de l'ambiente

ARIA ARIA ARIA
ARIA ARIA ARIA


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org