Language   

A Santa Maria Magiòr

Alberto D'Amico
Language: Italian (Veneto Veneziano)



A Santa Maria Magiòr
quando xe morto el cardinale Urbani (*)
ne xe 'riva el prete
a domandarne schei par 'na ghirlanda

Basso de la rotonda
cela par cela el prete ne bateva
ma nianca un ciodo
se ghe donava

A Santa Maria Magiòr
quando el "Banana" s'ha picà in cela
no se g'ha visto el prete
ma gh'emo fato istesso 'na ghirlanda

Basso de la rotonda,
ghe gera i fiori freschi pa' 'l "Banana"
che 'l xe 'ndà fora
co la campana

Bati bati campana
uno de manco la società respira
bati cha passa i ani
e intanto i avocati fa carriera

Bati anca ti Signor
ma co un picon scoversi 'sta galera
che la giustissia
xe soto tera.
(*) Giovanni Urbani, patriarca di Venezia dal 1958 al 1969, anno della sua morte.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org