Language   

Chi lassi quannu mori?

Anonymous
Language: Sicilian



Related Songs

Il Muratore
(Franco Trincale)
Amatevi
(Agricantus)


Chi lassi quannu mori?
Chi lassi, jurnateri?
Chi lassi quannu mori
ai figghi e a la muggheri?

Lassi un cantaranu di pezzi
'na cascitta china 'i munnizzi
la to facci di mpinnuliatu
ncurniciata dintra 'nu quatru,
lassi tri furchetti di lanna
la buffetta di to nanna
chi si ndondola e si nnaca
comu 'na strùmmula chi scaca.

Nun ti fari lariu,
lassami finiri l'inventariu..

Lassi 'na pipa 'ntartarata
'na cammisa tutta strazzata
'na cifunera c'u specchiu ruttu,
–lassami diri ca nun è tuttu –
un paru 'i scarpi tutti sfunnati
arripizzati cu ferru filati
un marrùggiu di zappuni,
quattru canni e 'nu furcuni.

Un porcu lassa còtichi,
un porcu inchi un tettu,
tu lassi mmerda e ossa
supra lu catalettu...

'Na tana niura lassi
unni dormi e unni starnuti
unni manci e unni sputi
unni cachi e unni pisci..

Lassi un cantaranu di pezzi
'na cascitta china 'i munnizzi
la to facci di mpinnuliatu
ncurniciata dintra 'nu quatru,
lassi tri furchetti di lanna
la buffetta di to nanna
chi si ndondola e si nnaca
comu 'na strummula chi scaca.
Lassi 'na pipa 'ntartariata
'na cammisa tutta strazzata
'na cifunera c'u specchiu ruttu,
–lassami diri ca nun è tuttu –
un paru 'i scarpi tutti sfunnati
arripizzati cu ferru filatu
un marrùggiu di zappuni,
quattru canni e 'nu furcuni...

Chi lassi quannu mori..
Chi lassi, jurnateri?
Chi lassi - quannu mori
ai figghi e a la mugghèri?

Contributed by giorgio - 2010/5/1 - 09:35



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org