Lingua   

We Dinna Want Polaris

Glasgow Song Guild
Lingue: Scozzese, Inglese



The USA are gie’n subs away,
Gie’n subs away, gie’n subs away,
The USA are gie’n subs away,
But we dinna want Polaris!

Tell the Yanks tae drap them doon the stanks,
Drap them doon the stanks, drap them doon the stanks,
Tell the Yanks tae drap them doon the stanks,
'Cos we dinna want Polaris!

The Cooncil o Dunoon they want their half-a-croon,
Want their half-a-croon, want their half-a-croon,
The Cooncil o Dunoon they want their half-a-croon,
But we dinna want Polaris!

The hairies o the toon are sailin tae Dunoon
Sailin tae Dunoon, sailin tae Dunoon,
The hairies o the toon are sailin tae Dunoon
For they dinna want Polaris.

It's suicide tae hae them on the Clyde,
Hae them on the Clyde, hae them on the Clyde,
It's suicide tae hae them on the Clyde,
And we dinna want Polaris!

Tak the haill dam show up the River Alamo,
River Alamo, River Alamo,
Tak the haill dam show up the River Alamo,
'Cos we dinna want Polaris!

Anchors aweigh for poppa Kennedy,
Poppa Kennedy, poppa Kennedy,
Anchors aweigh for poppa Kennedy,
An ta-ta tae Polaris!


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org