Dintra sta notti niura

Dintra sta notti niura
un ti scantari di lu lupu
dintra sta notti niura
un ti scantari cchiù di tia
dintra sta notti niura
un ti scantari di la sorti
dintra sta notti niura
un ti scantari di la morti
un ti scantari di la vita
s'Iddu ti chiama
tu arrispunni
e senti l'ancilu c'ammita
Iddu ti chiama e curri
ci arrispunni cu sta vita

Dintra sta notti niura
c'è n'autru armalu niuru
lu lupu l'avi 'ncoddu
e senza cori è
avi fucili e guanti
avi munita assai
ddi santi 'mparadisu
ni l'abbannunanu mai
e mmenzu a li campagni
e cu nna scupittata
un t'astutau la luci
mancu la libbirtà

dimmenzu
a sti campagni
dimmenzu a sti città
si voi st'armalu pigghia
e sinni va...

Dintra sta notti niura
di scupittati 'nta li campagni
dintra sta notti niura
e comu a iddu cca ci nn'è tanti
dintra sta notti niura
ci sunnu santi chi un sunnu santi
dintra sta notti niura
Forza D'Amuri smovi muntagni
scoppali 'nterra sti latruna
ci su picciotti c'addumannanu
n'anticchia di furtuna
e viri chi sta genti
sinni sbatti li cugghiuna...

Ciuri, ciuri,
ciuri di tuttu l'annu
e li mafiusa vonnu sempri sangu
scatinalu scatinalu stu cori
ca 'ncatinatu nun ci pò cchiù stari

dimmenzu
a sti campagni
dimmenzu a sti città
si voi dd'armalu pigghia
e sinni va...

Aggiungi...

Nuova versione o traduzione

Commento

Link

Segnala indirizzo per scaricare la canzone

Pagina principale CCG

L'archivio Timeline Chi siamo Novità Guestbook Links

Segnalate eventuali errori nei testi o nei commenti a antiwarsongs@gmail.com

Link per condivisione
Link interno