Lingua   

Lo soldat desconegut

Claude Marti
Lingua: Occitano



La grava a conflat mon ventre,
La pluèja a manjat ma pèl.
Es plan sofrir de pas mai esser,
L'eternitat, la cal conneisser,
Vos pregui : ont es lo solelh ?

França, som mòrt a tas guerras,
Rocroy, Verdun e Rivoli,
Mòrt per pas res, plan mòrt, misèria,
Per Loïs Catorze o Galliéni.

Mon istòria totjorn se sembla :
Me veniàn prener dins mon camp,
Dins mon usina, o dins ma bòria.
Per França ! disià lo notable ;
Per Dieus ! disià lo capelan ...

Coma ieu aqueles d'en fàcia
Eran partits flor al fusilh.
Ara, de tèrra plen la boca,
Pòdon pas pus mandar son crit.
Sèm mòrts per los profitaires !
Sèm mòrts per engraissar los rics.

Vergonha, vergonha vosautres,
Enropats dins vòstres drapèus !
Venètz parlar a nòstra plaça
Quand n'a besonh vòstre govèrn.
Venduts, recoflats de messorgas,
Calharetz lèu ! Calharetz lèu !


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org