Lingua   

Olfatto

Antonio Mainenti
Lingua: Siciliano




- Sintiti ancora li spari? -
scrusciu di scupittati, s’avvicinanu.
Ora, ‘nveci, c’è silenziu
chiddu prima do lamentu
unu, due, tri secunni di silenziu (1, 2, 3)
prima di l’eternu lamentu.

Quattru e cincu: u lamentu ‘nfurzau
picciriddi e fimmini
si chianciunu ‘ncuoddu
sciauriannu carni e pruvulazzu.
sie e setti: u ventu canciau
vutau i dda banna
e u sciauru mutau.

Si senti fetu di morti giornaliera
e a cavaddu do ventu,
s’o mpica nta chitarra
chi vibra lamentu
chissà ppì quantu tempu.

Ottu e nove: - ora si ca semu tutti!-
e u suonu do silenziu
ca nun nnì fa capiri
mmucciannuni luntanu
l’essenza i civiltà,
l’assenza i civiltà,
- l’assenziu...mò cca!-



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org