Language   

Uocchie

Sancto Ianne
Language: Neapolitan



Uocchie senza cchiù luce,
Uocchie stutati,
Uocchie ca cercano speranza all'ati
Uocchie spierzi int'all'onne
'nmiezo 'o mare
Uocchie ca contano destini amare...

Uocchie fissati a trementà 'e ricuordi
Uocchie ca quanno 'e vidi nun te ne scuordi.
Uocchie, malacuscienza
'e chella gente
ca acala 'a capa e ca nun vede niente.

Quanta speranze e quante so' 'e scunfuorti,
quanta illusioni e quanti ne so' muorti
E quant'e loro 'e mannano 'o paese
cu 'na manella annanze e n'ata areta.

Gente spugliata 'e dignità e futuro
ca cerca 'e zumpà 'a coppa a chillo muro
ca sparte 'o munno dritto 'a chillo stuorto
pe civà 'e figlie e nun cuntà cchiù 'e muorti.


Gente ca vene 'a terre addò se mete
pe tutto l'anno sulo famme e sete
Gente ca 'o desiderio 'e zappà 'a terra
l'ha abbannunato pe fujì a 'na guerra.

Tenimmo scritto: “'E genti songo uguali”
ma 'a dignità s'accatta sulo co 'e denari.
E chesta gente 'a vonno fa trasìre
sulo quanno è disposta a te servìre

Senza lavoro 'a fantasìa e 'a salute
nisciuno campa ognuno 'e nuje è fernuto
nun se può nasce sulo pe fuje 'a morte
ci addà stà 'nu futuro 'a quacche parte.

E rancichi cu ll'ogne chillu mare
fin'a che quacche cosa nun cumpare
'na terra, 'na furtuna, n'ato munno
ca diciarrà ca pure tu si 'n'ommo.

Quanta speranze e quante so' 'e scunfuorti
quanta illusioni e quanti ne so' muorti
e quant'e lloro 'e mannano 'o paése
cu 'na manella annanze e n'ata areta.

Gente spugliata 'e dignità e futuro
ca cerca 'e zumpà 'a coppa a chillo muro
ca sparte 'o munno dritto 'a chillo stuorto
pe civà 'e figlie e nun cuntà cchiù 'e muorti.
E rancichi cu ll'ogne chillu mare
fin'a che quacche cosa nun cumpare
'Na terra, 'na furtuna, n'ato munno
ca diciarrà ca pure tu si 'n’ommo.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org