Language   

'A Guerra

Libero Bovio
Language: Neapolitan



E nce pò stà 'na mamma 'ncopp 'a terra
ca 'o figlio suio carnale 'o fa partì
senza jettà 'na lacrema
p' o figlio ca va 'a guerra
e 'nguerra pò murì?
No, chesto nun pò essere,
nun me dicite 'e sì.
'A patria, sissignore, 'a patria è ssanta.
Che vò? Vò 'e figlie nuoste? Eccuce ccà.
Parteno 'nguerra, e cantano,
ma 'a mamma no, nun canta,
pecchè nun pò cantà
I'tengo sulo a figliemo,
e ssò vecchia d'età!
Figlio mio bello, addio. T'aggio crisciuto
sott' a stu sciato mio, vicino a me,
e nun te voglio perdere.
Màmmeta ha fatto 'o vuto
ej ninno mio, pe' te
E, primma ca se nzerrano
'st'uocchie, t'aggia vedè!
Vedite… I'nun me lagno,
e me mettesse scuorno 'e vedè chiagnere
'o figlio mio ca parte,
ma j' ca sò mamma… j' chiagno!


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org