Cara mama con questa mia
i veuj dite che doman
ij fassista 'm pòrto via
e 'm fusilio come 'n can.
Sì, lo sai, a son ròbe nèire
che 'n pòvr lader come mi,
na ligera a deubia meuire
për la facia 'd chissa chi.
A le "Neuve" a l'han ficame
ansema un cap dij soversiv:
"Fa che canti - a l'han dime -
riferisci e it seurte viv".
Cara mama, ò mama mia,
i lo sai bin che 'l mè mesté
a l'é col ëd fé la spia
e an questura 'ndé a subié.
A lo diso tuti a Turin
ch'i faso 'l canarin
i son la pì bela spia
ch'a-i é là an Vanchija.
Coi parafanghi a scoté
peui an Via Grattòni a subié
ij colp ch'a fà la mala
'd Lusengh ò 'd Pòrta Pila.
Ma con lorsì a l'é divers
pen-a ch'i-j vëddo mi i son ësvers
e 'd gumité am ven veuja
con lorsì mi i sai nen
subio nen, subio nen
con lorsì, dime fòl,
s’i deurbo 'l bech j'ëspuvo a còl.
Cara mama sta ligera
ch'a l'ha fate tribulé
da sì 'n pòch a-j fan la fèra
ma ti i't deuve nen pioré.
Mi i son ëstàit sempre na lan-a
andrinta e fòra 'd na përzon
ant la mia vita nen na sman-a
a travajé mi i son stàit bon.
Fin-a ij lader am disìo:
"Vigio sghija fòra dij ciàp",
fin-a lor a lo savìo
che mi i j'era 'n grand vigliach.
Adess i lo giuro, bòja brichèt
ch'im la faso nen adòss
i vado a meuire al Martinet
sì, ma i meuiro për quaicòs.
Ma con lorsì a l'é divers
pen-a ch'a-i vëddo mi son ësvers
e 'd gumité am ven veuja
con lorsì mi i sai nen
subio nen, subio nen
con lorsì 'l canarin
as fà spiumé, ma a parla nen!
i veuj dite che doman
ij fassista 'm pòrto via
e 'm fusilio come 'n can.
Sì, lo sai, a son ròbe nèire
che 'n pòvr lader come mi,
na ligera a deubia meuire
për la facia 'd chissa chi.
A le "Neuve" a l'han ficame
ansema un cap dij soversiv:
"Fa che canti - a l'han dime -
riferisci e it seurte viv".
Cara mama, ò mama mia,
i lo sai bin che 'l mè mesté
a l'é col ëd fé la spia
e an questura 'ndé a subié.
A lo diso tuti a Turin
ch'i faso 'l canarin
i son la pì bela spia
ch'a-i é là an Vanchija.
Coi parafanghi a scoté
peui an Via Grattòni a subié
ij colp ch'a fà la mala
'd Lusengh ò 'd Pòrta Pila.
Ma con lorsì a l'é divers
pen-a ch'i-j vëddo mi i son ësvers
e 'd gumité am ven veuja
con lorsì mi i sai nen
subio nen, subio nen
con lorsì, dime fòl,
s’i deurbo 'l bech j'ëspuvo a còl.
Cara mama sta ligera
ch'a l'ha fate tribulé
da sì 'n pòch a-j fan la fèra
ma ti i't deuve nen pioré.
Mi i son ëstàit sempre na lan-a
andrinta e fòra 'd na përzon
ant la mia vita nen na sman-a
a travajé mi i son stàit bon.
Fin-a ij lader am disìo:
"Vigio sghija fòra dij ciàp",
fin-a lor a lo savìo
che mi i j'era 'n grand vigliach.
Adess i lo giuro, bòja brichèt
ch'im la faso nen adòss
i vado a meuire al Martinet
sì, ma i meuiro për quaicòs.
Ma con lorsì a l'é divers
pen-a ch'a-i vëddo mi son ësvers
e 'd gumité am ven veuja
con lorsì mi i sai nen
subio nen, subio nen
con lorsì 'l canarin
as fà spiumé, ma a parla nen!
×
![]()
