Language   

Rifà lu mondu

Muvrini
Language: Corsican



A soia la stella ne luce quallà
Hè cum'è un bel ghjornu chi s'ole pisà
Chi corre la ronda u tempu chi và
E voca su l'onda di l'umanità
I soi li battelli so' d'altri navicà
E soie le terre so' terre d'amà
Pisate le vele di fraternità
Un ventu una fede u facenu andà
Un soffiu una sete un ghjustu campà
Se v'avete un core in pettu cum'è tutte le zitelle
Forse lu ritruverete pè le strade le più belle
Un ne trova più riposu campà vita à so manera
A u sole di dumane batte pè la terra intera
Vole
Vole
Rifà lu mondu rifà lu mondu
E lu mondu u mondu vole
U mondu move d'amore nove
E lu mondu u mondu vole
U mondu move d'amore nove

A soia la spera a face cantà
In giru à la sfiera d'un libaru andà
Un cennu d'amore li basta chi sà
Un fiume chi corre una alma chi và
I soi li ghjuvelli ùn so' ch'è libertà
E soie le terre so' terre d'amà
So' pace à le guerre di tutte l'età
Di tutte le brame i sogni à salvà
Ghjustu una candella in l'imensità
Se v'avete un core in pettu cum'è tutte le zitelle
Forse lu ritruverete nantu à le terre surelle
Di passione cusgita n'hè tutta la so pelle
Fra le so preferite pacifiche e ribelle
Vole
Vole
Rifà lu mondu rifà lu mondu
E lu mondu u mondu vole
U mondu move d'amore nove
E lu mondu u mondu vole
U mondu move d'amore nove
E cum'è un sole si ne và
E cum'è un sole turnarà
Rifà lu mondu
Rifà lu mondu.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org