Langue   

Ser Humanu

Skanda
Langue: asturien


Skanda


Nun merez la pena
llorar baxo'l orbayu
les llárimes fundense
perdiendo'l sabor salau

Miro pa un llau
miro pa otru llau
la violencia vive
por tolos llaos

L'amor escorre'l mieu
ya'l mieu escorre l'amor
con mieu nun hay bondá
con mieu nun hay verdá

Miro pa un llau
miro pa otru llau
el mieu vive
por tolos llaos

El respetu, los humanos
dexámoslu nel monte
enterráu nun folleru
que nadie sepa onde s'esconde

Miro pa un llau
miro pa otru llau
la mentira vive
por tolos llaos

Otra muyer muerta
otru home colgáu
¿que tien esta vida?
que nos tien alloriaos

Miro pa un llau
miro pa otru llau
la llocura vive
por tolos llaos



Page principale CCG

indiquer les éventuelles erreurs dans les textes ou dans les commentaires antiwarsongs@gmail.com




hosted by inventati.org