La serpe a Carolina
Nuova Compagnia di Canto PopolareOriginal | Il testo originale dello scherno a Maria Carolina intitolato... |
LA SERPE A CAROLINA Carulì si m'amave 'n'ato anno quanta cose c'avive da me quanta cose quanta cose quanta cose c'avive da me Ma sì pazza e già tutti lu sanno statte bona e guvernate oinè. Ma sì pazza e già tutti lu sanno statte bona e guvernate oinè. 'Nu vurzone de doppie de Spagna lu tenevo io apposta pe' te lu tenevo lu tenevo lu tenevo io apposta pe' te ma scuperta s'è già la magagna statte bona e guvernate oinè. ma scuperta s'è già la magagna statte bona e guvernate oinè. Carammanico cchiù de sett'anne cuffiato fuje buono da te cuffiato cuffiato cuffiato fuje buono da te ma sì zoccola e tutti lu sanno statte bona e guvernate oinè. ma sì zoccola e tutti lu sanno statte bona e guvernate oinè. Cu l'arsenico tu lo sciusciaste munzù Atton accussì cuntentaste munzù Atton munzù Atton munzù Atton accussì cuntentaste mò ca saccio ca tutti lu sanno statte bona e guvernate oinè. mò ca saccio ca tutti lu sanno statte bona e guvernate oinè. | NGIURIATA (LA SERPE A CAROLINA) Carolì si te stive n’ at’ anno Quante cose volive vedè Si ffujuta, già tutte lo ssanno Statte bona, e covernate. Nu vorzone de doppie de Spagna Monsù Attone teneva pe tte Ma scuperta s'è pò la magagna Statte bona, e covernate. Cu l'Angrese faciste l'ammore E se steva ogne juorno cu tte Te scuprette pe furba de core Statte bona, e covernate. La matina, lo juorno e la sera Galeota veniva da te Ma sì pazza, si bota bannera Statte bona, e covernate. Se credeva ca jere costante Sì, l'amico mureva pe tte Po te vidde appricata cu tante Statte bona, e covernate. Tu dicive ca jeri sincera Pe bolerlo ncappare cu tte Ma de mbroglie si porta bannera Statte bona, e covernate. Carammanica chiù de sett'anne Fuje buono gabbato da te Le mannaste nu buono malanne Statte bona, e covernate. Coll'arzeneco nne lu frusciaste Pecchè s'era scurdato de te Monsù Attone accussì contentasti Statte bona, e covernate. Co li puoste de la farina Era ognuno gabbato da te Nce l'aje fatta accusì Carolina Statte bona, e covernate. Ogne juorno na gran lebberanza Se faceva ntesta a te E accussì te jenchive sta panza Statte bona, e covernate. Li denare tu t'aje purtate Mperzò ognuno mo parla de te: Dice, ah latra, tu ne aje arrobbato Statte bona, e covernate. Carolì è fernuto chill'anno Ch'era ognuno gabbato da te; ma se sape, sì chiena de nganno Statte bona, e covernate |