Santa Lucia luntana
E.A. MarioOriginal | Traduzione italiana da canzoninapoletane.it |
SANTA LUCIA LUNTANA | SANTA LUCIA LONTANA |
Partono 'e bastimente pe' terre assaje luntane... Cántano a buordo: só' Napulitane! Cantano pe' tramente 'o golfo giá scumpare, e 'a luna, 'a miez'ô mare, nu poco 'e Napule lle fa vedé... | Partono i bastimenti per terre molto lontane, cantano a bordo e sono napoletani! cantano e intanto il golfo scompare già, e la luna in mezzo al mare, fa vedere loro un poco di Napoli... |
Santa Lucia! Luntano 'a te, quanta malincunia! Se gira 'o munno sano, se va a cercá furtuna... ma, quanno sponta 'a luna, luntano 'a Napule nun se pò stá! | Santa Lucia, lontano da te quanta nostalgia! Si gira il mondo intero, si va a cercare fortuna, ma quando spunta la luna lontano da Napoli non si può stare. |
E sònano...Ma 'e mmane trèmmano 'ncopp''e ccorde... Quanta ricorde, ahimmé, quanta ricorde... E 'o core nun 'o sane nemmeno cu 'e ccanzone: Sentenno voce e suone, se mette a chiagnere ca vò' turná... | E suonano... ma le mani tremano sulle corde... quanti ricordi, ahimè, quanti ricordi! E il cuore non lo guarisci nemmeno con le canzoni, sentendo voci e suoni, si mette a piangere perchè vuole tornare! |
Santa Lucia! Luntano 'a te, quanta malincunia! Se gira 'o munno sano, se va a cercá furtuna... ma, quanno sponta 'a luna, luntano 'a Napule nun se pò stá! | Santa Lucia, lontano da te quanta nostalgia! Si gira il mondo intero, si va a cercare fortuna, ma quando spunta la luna lontano da Napoli non si può stare. |
Santa Lucia, tu tiene sulo nu poco 'e mare... ma, cchiù luntana staje, cchiù bella pare... E' 'o canto d''e Ssirene ca tesse ancora 'e rrezze! Core nun vò' ricchezze: si è nato a Napule, ce vò' murí! | Santa Lucia tu tieni solo un poco di mare, ma più sei lontana, più sembri bella! E' il canto delle Sirene che tesse ancora le reti, il cuore non vuole ricchezze: se è nato a Napoli ci vuole morire! |
Santa Lucia! Luntano 'a te, quanta malincunia! Se gira 'o munno sano, se va a cercá furtuna... ma, quanno sponta 'a luna, luntano 'a Napule nun se pò stá! | Santa Lucia, lontano da te quanta nostalgia! Si gira il mondo intero, si va a cercare fortuna, ma quando spunta la luna lontano da Napoli non si può stare. |