| Originale | La trascrizione in caratteri latini.
|
| אין קאַמף | IN KAMF |
| | |
| מיר ווערן געהאַסט און געטריבן, | Mir vern gehast un getribn, |
| מיר ווערן געפּלאָגט און פֿאַרפֿאָלגט. | Mir vern geplogt un farfolgt; |
| און אַלץ נאָר דערפֿאַר ווײַל מיר ליבן | Un alts nor derfar vayl mir libn |
| דאָס אָרעמע שמאַכטנדע פֿאָלק. | Dos oreme shmakhtnde folk. |
| | |
| מיר ווערן דערשאָסן, געהאַנגען, | Mir vern dershosn, gehangen, |
| מען רױב אונדז דאָס לעבן און רעכט; | Men royb undz dos lebn un rekht; |
| דערפֿאַר ווײַל מיר אמת פֿאַרלאַנגען | Derfar vayl mir emes farlangen |
| און פֿרײַהײט פֿאַר אָרעמע קנעכט! | Un frayhayt far oreme knekht! |
| | |
| אָבער אונדז וועט ניט דערשרעקן, | Ober undz vet nit dershrekn |
| געפֿענקעניש און טיראַנײַ, | Gefenkenish un tiranay, |
| מיר מוזן די מענטשהײט דערוועקן | Mir muzn di mentshhayt dervekn |
| און מאַכן זי גליקלעך און פֿרײַ. | Un makhn zi gliklekh un fray. |
| | |
| שמידט אונדז אין אײַזערנע קײטן, | Shmidt undz in ayzerne keytn, |
| ווי בלוטיקע חיות אונדז רײַסט; | Vi blutike khayes undz rayst; |
| איר קענט אונדזער קערפּער נאָר טײטן | Ir kent undzer kerper nor teytn |
| נאָר קײן מאָל אונדזער הײליקן גײַסט! | Nor keyn mol undzer heylikn gayst! |
| | |
| טיראַנען! איר קענט אים ניט טײטן, | Tiranen! ir kent im nit teytn, |
| דאָס איז אַן אומשטערבלעכע בלום, | Dos iz an umshterblekhe blum, |
| זײַנע שמעקענדע פֿלאַמענדע קווײטן | Zayne shmekende, flamende kveytn |
| בליִען שױן איצט אומעטום! | Blien shoyn itst umetum! |
| | |
| זײ בליִען אין דענקענדיקע מענטשן, | Zey blien in denkendike mentshn, |
| וואָס ליבן גערעכטיקײט, ליכט | Vos libn gerekhtikayt, likht |
| אַלײן די נאַטור טוט זײ בענטשן | Aleyn di natur tut zey bentshn |
| צום קאַמף, צו די הײליקע פֿליכט. | Tsum kamf, tsu di heylike flikht. |
| | |
| באַפֿרײַען די אָרעמע שקלאַפֿן, | Bafrayen di oreme shklafn, |
| וואָס שמאַכטן אין הונגער און קעלט, | Vos shmakhtn in hunger un kelt, |
| און פֿאַר דער מענטשהײט באַשאַפֿן, | Un far der mentshhayt bashafn |
| אַ פֿרײַע, אַ ליכטיקע וועלט. | A fraye, a likhtike velt. |
| | |
| װוּ עס זאָל ניט גיסן קײן טרערן, | Vu es zol nit gisn keyn trern, |
| ניט פֿליסן אומשולדיקעס בלוט, | Nit flisn umshuldikes blut, |
| און מענטשן ווי גלענצענדע שטערן, | Un mentshn vi glentsende shtern, |
| שײַנען מיט ליבע און מוט! | Shaynen mit libe un mut! |
| | |
| איר קענט אונדז דערמאָרדן, טיראַנען, | Ir kent undz dermordn, tiranen, |
| נײַע קעמפֿער וועט ברענגען די צײַט; | Naye kemfer vet brengen di tsayt; |
| און מיר קעמפֿן, מיר קעמפֿן ביזוואַנען, | Un mir kemfn, mir kemfn bizvanen |
| די גאַנצע וועלט וועט ווערן באַפֿרײַט. | Di gantse velt vet vern bafrayt. |
