L'Internationale
Eugène Pottier| BIELORUSSO (ŁACINKA) / BELARUSIAN (ŁACINKA) | |
| ІНТЭРНАЦЫЯНАЛ Эжэн Пацье (Пераклад з французскай Янка Купала) Грамадзяніну Густаву Лефрансэ, члену Камуны. Устаньце, парыі планеты, Ахвяры голаду і зла! Кіпіць, імкнучыся да мэты, Наш розум, прагны да святла! Свет гвалту, здзекаў мы разбурым, Ушчэнт разбурым, а на ім Свет шчасця і дабра збудуем: Хто быў нічым, той стане ўсім! Барацьбы з капіталам Бой апошні ідзе. Інтэрнацыяналам Яднайся, род людзей! Барацьбы з капіталам Бой апошні ідзе. Інтэрнацыяналам Яднайся, род людзей! Ніхто не вызваліць ніколі: Ні Бог, ні цар і ні герой — Сябе пазбавім мы няволі Мы самі, дружнай грамадой! Каб свой забраць кавалак хлеба, Рабаўнікоў за горла ўзяць — Надзьмем мяхі: жалеза трэба Пакуль гарачае каваць! Барацьбы з капіталам Бой апошні ідзе. Інтэрнацыяналам Яднайся, род людзей! Барацьбы з капіталам Бой апошні ідзе. Інтэрнацыяналам Яднайся, род людзей! Закон з нас робіць вінаватых, Падаткі смокчуць нашу кроў. Дзяржава дбае пра багатых, А праўда бедных — енк без слоў. Але даволі мы маўчалі, І час даўно наспеў сказаць: «Каб праўды болей не тапталі, З кален патрэбна праўду ўзняць!» Барацьбы з капіталам Бой апошні ідзе. Інтэрнацыяналам Яднайся, род людзей! Барацьбы з капіталам Бой апошні ідзе. Інтэрнацыяналам Яднайся, род людзей! Агідны вы, як крывасмокі, Чыгунак, шахтаў каралі! Бо вы, з людзей піючы сокі, Свае ўсе скарбы набылі. І колькі б іх вы ні хавалі, Ужо тых скарбаў лёс відаць: Усё, што вы нарабавалі, Павінны будзеце аддаць! Барацьбы з капіталам Бой апошні ідзе. Інтэрнацыяналам Яднайся, род людзей! Барацьбы з капіталам Бой апошні ідзе. Інтэрнацыяналам Яднайся, род людзей! Цары не зманяць нас дурманам: Народу — мір, царам — вайна! І забастоўкаю тыранам Адкажа армія сама! Няхай тыраны прымушаюць У бой смяротны крочыць нас, — Салдаты ў іх паразражаюць Свае гарматы у адказ! Барацьбы з капіталам Бой апошні ідзе. Інтэрнацыяналам Яднайся, род людзей! Барацьбы з капіталам Бой апошні ідзе. Інтэрнацыяналам Яднайся, род людзей! Рабочым толькі і сялянам Належаць гмахі і палі, А дармаедам і тыранам Не будзе месца на Зямлі! Няхай драпежнікаў бясконца Дзяўбуць драпежна груганы, А нам жа ранішняе сонца Заззяе промнямі вясны! Барацьбы з капіталам Бой апошні ідзе. Інтэрнацыяналам Яднайся, род людзей! Барацьбы з капіталам Бой апошні ідзе. Інтэрнацыяналам Яднайся, род людзей! | INTERNACYJANAŁ Ėžėn Paće (Pierakład z francuzkaj Janka Kupała) Hramadzianinu Hustavu Lefransė, členu Kamuny. Ustańce, paryi płanety, Ahviary hoładu i zła! Kipić, imknučysia da mėty, Naš rozum, prahny da sviatła! Sviet hvałtu, zdziekaŭ my razburym, Uščėnt razburym, a na jim Sviet ščascia i dabra zbudujem: Chto byŭ ničym, toj stanie ŭsim! Baraćby z kapitalam Boj apošni idzie. Intėrnacyjanałam Jadnajsia rod liudziej! Baraćby z kapitalam Boj apošni idzie. Intėrnacyjanałam Jadnajsia rod liudziej! Nichto nie vyzvalić nikoli: Ni Boh, ni car i ni heroj - Siabie pazbavim my niavoli My sami, družnaj hramadoj! Kab svok zabrać kavalak chleba, Rabaŭnikoŭ za horła ŭziać - Nadźmiem miachi: žaleza trėba Pakul haračaje kavać! Baraćby z kapitalam Boj apošni idzie. Intėrnacyjanałam Jadnajsia rod liudziej! Baraćby z kapitalam Boj apošni idzie. Intėrnacyjanałam Jadnajsia rod liudziej! Zakon z nas robić vinavatych, Padatki smokčuć našu kroŭ. Dziaržava dbaje pra bahatych, A praŭda biednych – jenk biez słoŭ. Ale davoli my maŭčali, I čas daŭno pasleŭ skazać: «Kab praŭdy bolej nie taptali, Z kalen patrėbna praŭdu ŭzniać!” Baraćby z kapitalam Boj apošni idzie. Intėrnacyjanałam Jadnajsia rod liudziej! Baraćby z kapitalam Boj apošni idzie. Intėrnacyjanałam Jadnajsia rod liudziej! Ahidny vy, jak kryvasmoki, Cyhunak, šachtaŭ karali! Bo vy, z liudziej pijučy soki, Svaje ŭse skarby nabyli. I kolki b jich vy ni chavali, Užo tych skarbaŭ los vidać: Usio, chto vy narabavali, Pavinny budziecie addać! Baraćby z kapitalam Boj apošni idzie. Intėrnacyjanałam Jadnajsia rod liudziej! Baraćby z kapitalam Boj apošni idzie. Intėrnacyjanałam Jadnajsia rod liudziej! Cary nie zmaniać nas durmanam: Narodu – mir, caram – vajna! I zabastoŭkaju tyranam Adkaža armija sama! Niachaj tyrany prymušajuć U boj smiarotny kročyć nas, - Sałdaty ŭ jich parazražajuć Svaje harmaty u adkaz! Baraćby z kapitalam Boj apošni idzie. Intėrnacyjanałam Jadnajsia rod liudziej! Baraćby z kapitalam Boj apošni idzie. Intėrnacyjanałam Jadnajsia rod liudziej! Rabočym tolki i sialanam Naležać hmachi i pali, A darmajedam i tyranam Nie budzie miesca na Ziamli! Niachaj drapiežnikaŭ biaskonca Dziaŭbuć drapiežna hruhany, A nam ža ranišniaje sonca Zazziaje promniami viasny! Baraćby z kapitalam Boj apošni idzie. Intėrnacyjanałam Jadnajsia rod liudziej! Baraćby z kapitalam Boj apošni idzie. Intėrnacyjanałam Jadnajsia rod liudziej! |
