Langue   

La lode de l'ecelentissima merda

Angelo Sartori, “Angelin”
Langue: italien (Veneto occidentale, o Veronese)


Angelo Sartori, “Angelin”

Liste des versions


Peut vous intéresser aussi...

A la mierda
(Ska-P)
La merda
(Anton Virgilio Savona)


Versi del veronese Angelo Sartori, detto “Angelin”, illustre avvocato e poeta dialettale.
Testo trovato su La Rena Domila. L’informassion veronese

La merda mi canto
umano prodoto
e ci ghe da contro
che i vegna pur soto

che alora ghe spiego
con tuto el me fià
el ben infinito
che al mondo la fa....

La merda mi canto
che tuti dispressa:
la merda più mola
la merda più spessa....

La merda che el proso
de tuti fa fora:
la merda più giala,
la merda più mora...

La merda che, ansiosa,
sospira la dona
par vedar se el corpo
del fiol... el funsiona.

La merda che, a farla,
te dà quei momenti
che smorsa i pensieri,
che rende contenti.

Davanti a la quale
sparisse ogni ceto:
la caga el siorasso,
la caga el poareto:

soltanto che quela
cagà dai pitochi
la g'ha più polenta
la casca zò a tochi

e quela dei siori,
che i g'ha più cusina,
l'è più slaquarissa
l'è più molesina...

La merda de tuti
insoma mi canto:
de ci caga poco,
de ci caga tanto:

la merda dei grandi,
dei mostri da fasse;
merdine, merdete,
merdone e merdasse!

La merda l'è merda
gh'è poco da dir,
e a tuti a sto mondo
ne toca... tartir!

Ma a quei delicati
che de ela se lagna
dichiaro e dimostro
che tuti... la magna!

Nei pasti che ognuno
smorfisse ogni giorno
l'è sempre la merda
che fa.... da contorno:

le bele pietanse
opur quele brute
un poca de merda
le ghe le g'ha tute.

El manzo, gen cicia,
che tuti ghe tien,
el fa le culate
parchè 'l magna el fien,

ma el fien, po', l'è quelo
che el bon contadin
el fa vegnar grando
con merda... e pissin!

I grassi polastri
che g'ha quei galoni,
le anare, i piti,
opure i caponi

i ho visti, de spesso,
becarse, contenti,
le bele merdine
cagà dai parenti,

slargar con le sate
la merda più grossa,
sercar con el beco
par torse... qualcossa:

ché, anzi, ricordo
che un galo g'avea
tegnù così neto
che sempre el tasea,

ma un giorno che'l m'era
scapà sul luamar
quel galo, da muto,
s'à messo a cantar...

La bela polenta
che a tuti ghe piase
e, specie a Verona,
l'è in tute le case,

la vien bela granda
la fa la panocia,
parchè sul luame
le piante la pocia:

e in tuto el luame,
a quanto mi so,
gh'è merda de vaca
e merda de bo'...

e quel coloreto
de quan l'è maura
no credo che'l sia
color de natura

parché, par natura
la restaria verda:
l'è, invesse, gialota...
ghe entra la merda!

Quel tal che g'ha nome
ingiusto, de « porco »
se ingrassa soltanto
s'el vive in t'el sporco;

lassèlo pur neto,
privèlo de merde
e invesse de farla
la cicia el la perde....

ma invesse infanghèlo
de merda e de pisso
te 'arè che cul grosso,
te 'arè che cul fisso:

lassè ch'el se sossola
in mezo a la bole
te 'arè che petara,
te 'arè che brisole...

Se ci magna merda
se ciama porsei
de semo un fià tuti
par via dei osei;

e infati magnado
le passere, bele,
insieme co'l resto
va zò le buele;

ma de le buele
la boca fa uso
parché i stronsi i ciapa
la strada... del buso:

cosìta fasendo
de osei na magnada
magnemo anca i stronsi
fermà... par la strada!

E via de 'sto passo
che mi podaria
parlar par un ano
de 'sta smerdaria...

Da quando che Adamo
l'ha fato pecato
magnando quel pomo
che Eva g'ha dato,

dal giorno che, insoma,
par via del pometo
al mondo è vegnudo
el primo stronseto,

la merda l'ha fato
un nome catio
parché la vien fora
soltnto de drio;

la merda mai 'vudo
no g'ha simpatia
par quela so spussa
che fa scapar via:

e tuti guardando
da indove la vien
no sente la forsa
de dirghe de ben,

e tuti sentendo
sto efeto fetente
l'à sempre creduda
na bona da gnente....

Ma adesso, sí, basta:
adesso l'è ora
de no guardar tanto
da indo' la vien fora;

adesso l'è tempo
de darghe n'ocià
al ben infinito
che al mondo la fà,

e mi spero tanto,
cantandola in rima,
de averghe refato
un poca de stima....

envoyé par Bernart Bartleby - 1/5/2016 - 16:25


Un momento.
Qui, il bollino bleah sarebbe oggettivamente appropriato.
Si proceda...

Io non sto con Oriana - 2/5/2016 - 22:35


D'accordissimo!
Aggiungerei anche un bollino coprofago tipo "slurp!".

Recentemente ho imparato, frequentando una bella signora e la di Lei cana, che non tutte le merde sono uguali: solo alcune, poche, sono appetitose, irresistibile e apportano financo integratori essenziali alla dieta.

Osservando la cana di cui sopra, sono giunto alla conclusione che anche per noi umani non sarebbe deprecabile mangiare merda, purchè ci facessero scegliere quale mangiare.
Ma, ovviamente, ci fanno mangiare tutta e solo quella che pare a loro, la più schifosa.

B.B. - 2/5/2016 - 23:21


Si darà per assodato che alle ventitré e ventuno del due maggio duemilasedici il signor B.B. fosse sotto l'effetto di una generosa dose di ottimo vino; sarà bene non approfondire eccessivamente da dove derivino competenze scatologiche tanto approfondite...

Io non sto con Oriana - 4/5/2016 - 21:08




Page principale CCG

indiquer les éventuelles erreurs dans les textes ou dans les commentaires antiwarsongs@gmail.com




hosted by inventati.org